مش وعظة
شربت بتاع 4 فناجين او فناجيل قهوة و قعدت اسمع فيروز كانت نفسى مفتوحة
ونفسى اكتب الصراحة بس قعدت قدام الورقة و القلم مبلم و ماكتبتش حاجة
قعدت سرحان شوية لحد ما وصلت انى هتكلم عن المسيح !
انا اكتب عن المسيح !!
اه قررت اكتب اللى انا حاسه تجاه المسيح .
ايمانى كمسيحى ان الله تجسد و ارسل ابنه كى يعطى العالم كله الخلاص و ان
كنت لا تؤمن بذلك فلك مطلق الحرية و لكن انا اكلمك من وجهة نظر ايمانى و قناعاتى .
فكرت فى اللى حصل للمسيح و هو على الارض وازاى كان عايش ، هل كان تحت على
ما نحن فيه الان من الم ، هل شعر بما نشعر به ؟
بالفعل المسيح شعر بما نشعر به الان كله ، لذلك عند صلاتك تأكد كل التأكيد
ان الله يشعر بما تشعر به لأنه مر به و هو على الارض .
سيبك من جملتين
اللغة العربية اللى فاتوا دول خلينا نتكلم كاصحاب
المسيح صاحبه مات زى لعازر و حزن و عيط زى ما انت ممكن تفقد اى حد من اصحابك
وتقعد تعيط عليه
المسيح صاحبه مات زى لعازر و حزن و عيط زى ما انت ممكن تفقد اى حد من اصحابك
وتقعد تعيط عليه
المسيح كان بيتقال عليه مجنون ومجدف لمجرد انه كان بيعمل الحاجة اللى هو جاى
عشانها و ان رفض طريقة تفكيرهم فى الوقت ده جايز لو كان عايش فى عالمنا دلوقتى كانوا قالوا عليه ملحد زى ما بيتقال علينا
المسيح اتخان و اتباع من اصحابه و احبابه زى ما بيحصل معانا و اصحابك يبيعوك و يستندلوا معاك ويعملوا اللى بيضايقك
المسيح كان بيتعامل مع كل الناس .. الزانية و السامرية والعشار يعنى لو موجود دلوقتى هيتعامل مع البنت اللى مش مظبوطة ومع الموظف الحرامى و مع اللى مش من دينه
المسيح ماكنش منافق للحاكم ولا لرجال الدين يعنى ماكنش بيهلل لقيصر بالعكس كمان كان بيعارض الكتبة و الفريسين يعنى لو موجود دلوقتى ماكنش هيأيد مرسى او السيسى ولا كان هيقول ده رجل دين له احترامه حتى لما يغلط ، المسيح لما لقى الهيكل بقى سوق .. ضفر حبل و ضرب الناس و طردهم من الهيكل ، لو كان موجود دلوقتى جايز مع حركات الهروب من الكنايس و فرار الشباب بسبب دخول الكنيسة فى السياسة كان عمل كده تانى
المسيح ماكنش نجم شعبه ولا الرجل المحبوب، بالعكس شعبه طلب انه يتصلب و فضلوا عليه مجرم ..
ماتزعلش لما تلاقى نفسك مرفوض من الناس و مش متسلط عليك الضوء، اعمل اللى انتى
عايزه مدام صح .
حاجة اخيرة كنت دايماً بفكر فيها ..
هى الانتقام دايماً من اللى مضايقنى و نفسى ارد له القلم اتنين ، بس ارجع
اقول لو
فضلت افكر فى الانتقام يبقى هفضل انا شايل مرار ، ساعتها افتكرت ليه المسيح قال
احبوا اعدائكم ، مش معنى كده انى ابقى اهبل خالص بالعكس ماتحملش له اى ضغينة او
مرار لانك انت الخسران و هو كده مرتاح
سامحنى على رؤيتى ولو حتى شايفها غلط بس انا فعلاً مش حاطط التاتش بتاعى فى
اى كلمة كلها مواقف ممكن ترجع لها فى الانجيل و تتأكد
تعليقات
إرسال تعليق